عشق لاذع بقلم سيلا وليد من الفصل الأول للسادس والعشرون
المحتويات
الاحمر واحترمي نفسك ورشي على نفسك شوية حياء في الفترة اللي هضغط على نفسي وابلع قرفك
جذب خصلاتها ومازال يتحدث
أي غلط منك صدقيني مش هرحمك انت دلوقتي شايلة اسم ياسين الألفي اللي مكنتيش حتى
تشوفيها في احلامك
دفعته تحاول نزع شعرها من كفيها
ليه حد قالك بحب احلم بكوابيس معرفش نافخ نفسك على ايه قولتلك اللي زيك ميمليش عيني اصلا
وضع ذقنه على كفيه
هتنزل شغلك إمتى ياياسين انت دلوقتي اتخرجت وعلى حد علمي أكيد هتروح سينا
ولج العسكري بقهوة لكل منهما حمحم بصوته
اخت حضرتك برة ياباشا قولتلها تدخل بس هي رفضت نهض من مكانه سريعا بينما ظل ياسين بمكانه يتابع بعينه ظنا إنها ربى
غنى!! اقتربت منه تحتضنه
عامل إيه ياجسور!
سحبها دالفا للداخل توقفت تنظر بابتسامة
دا ولاد الألفي ملين القسم من شوية قابلت جواد حازم برة
ضيق عيناه متسائلا
ليه جواد بيعمل ايه!
هزت كتفها قائلة
معرفش بس اللي فهمته من تقى أنه هيرجع شغله جذب كفيها وأجلسها على الأريكة بجوار ياسين
هنا تذكر تلك التي تركها منذ أسبوعين ولم يعلم عنها شيئا سوى من الخادمة
ابتسامة تجلت بملامحه
إن شاءالله حبيبتي ايه شايفة قعدتك طولت هنا كنتي فين وازاي تيجي من غير بيجاد فركت كفيها تطالع جاسر بصمت
احتضن جاسر كفيها
آسف ياقلبي عارف مقصر معاكي ومع حبيب خالو صمت متذكرا شيئا
ياترى هي عاملة ايه دلوقتي في حملها أكيد بطنها بدأت تكبر وهتتعب صح ياغنى
استدارت مبتعدة بنظرها وشعرت بتفتت قلبها هنا ندمت أشد الندم على مساعدتها
مش قدامنا غير لما بابا حالته تتحسن وهو اللي هيعرف يوصلها
مسح على وجهه پعنف
عارف ومتأكد فيه حد
مساعدها وحد له مركز كمان دا واحد عارف اني مش هعرف أوصلها
بقولك ياجاسر مايمكن جنى في مصر
مستحيل تكون في مصر ومتظهرش
انا سربت مرض بابا في كل الجرايد يعني لو موجودة كان زمانها ظهرت
ليه جنى تعمل كدا ياجاسر ليه تهرب مع إن روحها فيك إزاي تهرب من غير ماتعرف عمو صهيب ولا عز
تجمعت عبراته بعيناه ممزوجة بڼزيف روحه فرفع نظره لأخته
علشان وجعتها أوي ياغنى جلس ياسين مرة أخرى يستمع إليه بإهتمام
تراجع بجسده يضع رأسه على ظهر المقعد ينظر بسقف الغرفة
هي مفكرة إنها متهمنيش ودايما شاكة في حبي دايما بتقارن نفسها بفيروز هبلة متعرفش أنها حياتي كلها
طب فيروز ياجاسر ليه مبتعدهاش عنك ليه مطلقهاش زي ماقالتلك وخلصت نفسك من الۏجع دا
اعتدل يطالعها بتدقيق
مين قالك أنها طلبت مني كدا ابتلعت ريقها بصعوبة ثم سحبت نظرها لياسين ورسمت ابتسامة
لأ هي مقلتش أنا اقصد يعني لو طلقت فيروز كنت ارتحت
طيب ماانا مطلق فيروز ايه المشكلة
ماهو طلاقك وانك تروحلها كل شوية دا بيوجعها ياجاسر
انحنى بجسده يتعمق برماديتها
غنى تعرفي مكان جنى!!
نهضت تحمل حقيبتها بيد مرتعشة تهز رأسها
وأنا هعرف منين أنا لازم أمشي زمان سفيان تاعب النانا بتاعته
تحركت سريعا هروبا من أمامه نهض يضع كفيه بجيب بنطاله
استني ياغنى ارتجف جسدها تطبق على جفنيها دنى بخطوات متمهلة
مقولتيش جاية ليه استدارت تلقي نفسها بأحضانه وبكت بشهقات مرتفعة حتى سقطت حقيبتها قائلة
جاسر أنا بحبك أوي ونفسي تكون أسعد راجل في الدنيا حاوطها بذراعه
حبيبة قلبي وأنا بحبك اكتر واحدة في الدنيا
اممم قالها ياسين ثم اقترب يلكزه بصدره
بلاش كلمة اكتر واحدة في الدنيا عندك مراتك مش عارفين نوصلها
ازال عبرات غنى يحتضن وجهها
ليه الدموع دي دا أكيد علشان بيجاد وحشك مش كدا رفعت نفسها حتى أصبحت بمستواه وطبعت قبلة على وجنتيه
لأ مش علشان بيجاد علشان إنت أحلى أخ في الدنيا كلها
ارتشف ياسين باقي قهوته
أيوة ياختي وأنا ابن الوزة السودا
دفعه جاسر بعيدا يحاوط غنى
اسمها ابن البطة السودا بس غزالة مش بطة ياحلوف
لمست وجهه مبتسمة بعدما وجدت ضحكته التي حرم منها منذ وقت
هتكون أجمل اب في الدنيا رفع كفيها يقبلهما
وانت أحلى مامي واخت في الدنيا
لازم أمشي هسيبك تكمل شغل زمان بيجاد قلقان دلوقتي قالتها وتحركت بينما توقف ياسين أمامه
هوصل اختك وبعد كدا عايزك في موضوع مهم
خرجت غنى تضع كفيها على صدرها
تتنفس بهدوء
ياربي اعمل ايه تذكرت شيئا مهم فأسرعت لسيارتها أوقفها ياسين
غنى استني هوصلك
لأ ياحبيبي أنا هعدي على بابا اكيد بيجاد هيستنى هناك ارتدى نظارته متجها لسيارته
هوصلك كلمي الشوفير يروح
تحركت بجواره بصمت
عند جواد
اعتدل متذكرا حديث راكان لبيجاد اتجه بنظره لبيجاد الذي يجلس بجواره يحادثه بمواضيع مختلفة فتحدث متسائلا
راكان يقصد ايه بالست اللي ساعدتها
ابتلع بيجاد ريقه يهز رأسه رافضا
مش فاهم
طالعه جواد بتدقيق ثم هتف
لما سألت راكان انت بصتله هو وقتها عمل اي نظر بساعة ايده وقال
آسف لازم امشي عندي قضية بعد ساعتين ألف سلامة على حضرتك مرة تانية وقال اكيد بيجاد هيحكي لك قصة صاحبه
مين صاحبك اللي راكان يقصده
متابعة القراءة
