ابن ليل لأميرة اسامة
المحتويات
عشان منتأخرش علي شغلي
زكريا ماشي يا بنتي خلي بالك من روحك
عبدالله خلينا نمشوا وراكي عشان نطمنوا عليكي
دره تمشي ورايا ده ايه خلاص هنفضلوا قلقانين من اللي اسمه منصور ده انا من رأيي نتعامل بهدوء وبلاش نقلق روحنا علي الفاضي وادام عرفنا العدو الحقيقي يبقي نطمنوا
زكريا خلينا نوصلوكي وخلاص
دره صدقني يا حبيبي انا بخير و متقلقش عليا يلا روحوا شوفوا شغلكم بقي وانا هنمشي عشان منتأخروش
دره سلام يا حبيبي سلام يا عبدالله بصت لكرم بطرف عينها وركبت عربيتها من غير ما تسلم كانت بتردهاله
كرم
عبدالله اركب يابا يلا يا كرم
كرم يلا بينا
في الجامعه
دانه خرجت من المحاضره هي وديما كانت دارين قاعده في الكاڤيرتيا مستنياهم
دارين خلصتوا خلاص
دانه اه اخيرا صدعت خالص
ديما بقولك ايه تعالي نشرب حاجه وبعدين نمشي مش قادره عايزه اقعد افصل شويه
ديما نسكافيه الجو برد وعايزه حاجه سخنه
دارين وانتي يا دانه
دانه نسكافيه بردوا بقولكم ايه
دارين قولي
ديما هااا
دانه معاكم فلوس
دارين اكيد معانا وهو احنا بننزل من غير فلوس انتي مش معاكي ولا ايه
ديما مټخافيش هنحاسب مش هنتضرب
دارين او منحاسبش ونخلي دانه رهن عندهم
دانه خلصتي استظراف انتي وهي
دارين قد ايه يعني وعايزه الفلوس ليه
دانه في چاكت نازل علي شي إن
هتجنن واجيبه وناقصني كام حاجه في الميك اب عايزه اجيبها
ديما انا مش معايا فلوس كتير
دارين بصراحه ولا انا يعني اقصد اللي معايا مش هيكمل اللي انتي عيزاه
ديما اطلبي من مامي عادي هتديكي
دارين لا يابنات انا رأيي بلاش مامي انتوا اكيد عارفين ان الظروف بتاعتنا لسه مستقرتش
دارين كأنك متعرفيش مامي يا ديما انتي عارفه انها مش بتحب تاخد فلوس من اي حد والموضوع ده بيبقي تقيل عليها
دانه بس هو اداها و أدانا احنا كمان قبل كده يعني عادي
دارين صحيح هو أدي لمامي فلوس ومامي خدتها منه بس هي خدتها عشان الوضع اللي كان بينهم مامي مكانتش حابه تقولوا لا عشان متزعلهوش منها او تحسسه انها مش محتجاله خصوصا بعد الظروف اللي كانت بينهم لكن الوقت مستحيل مامي تقبل او تطلب فا بلاش احنا نضغط عليها بطلباتنا لان وقتها هي هتديكي عادي ومش هترفض عشان متزعلكيش بس في نفس الوقت اكيد المبلغ ده هي هتبقي محتجاه في حاجه اهم
دارين عشان مش حابه تحسسنا بأي نقص او تغيير في حياتنا يا ديما بس بما اننا عارفين الظروف يبقي نهدي شويه لحد ما علي الاقل تستقر اكتر في شغلها وبيتهيألي يعني يا دانه انتي مش محتاجه لبس كمان الچاكت والميك اب مش من الاساسيات اوي تقدري تاخدي مني او من ديما وكمان احنا بنلبس مع بعض
دارين يلا اشربوا عشان نمشي
رن موبايل دارين بصت علي الموبايل كلن ادم بيتصل عليها ابتسمت وقامت وقفت
ديما علي فين
دارين ده لدم بيتصل عليا ثواني وراجعه
دانه اووووف يادي ادم
ديما مالك انتي ما تسيبيها مبسوطه
دانه مبسوطه ده ايه وبعدين مين اللي هيبسطها ادم
ديما دارين بتحبه
دانه عشان غبيه
ديما غبيه عشان بتحبه
دانه غبيه عشان مش قادره تصدق
ان هو مبيحبهاش وانه ميستاهلش حبها ده
ديما علي فكره ادم شاب جميل ومش شايفه فيه اي عيب يمكن بس الظروف اللي حصلت معانا خلته مشتت شويه ومش عارف هو عايز ايه
دانه انتي وهي مش فاهمين اي حاجه وبكره تقولوا ان دانه كان معاها حق في الحكم علي ادم وبعدين الظروف اللي بتقولي عليها دي كانت دليل كافي لدارين عشان تعرفها الوش الحقيقي لادم بتاعها ده هو لو فعلا بيحبها هيفضل يحبها تحت اي ظرف وهيفضل متمسك بيها مش مع اول مشكله تحصل يديها ضهره
ديما بيتهيألي مش صح يا دانه خصوصا يعني ان وضع ادم مع دارين الوقت اتغير كتير يعني كان متعود يشوفها كل يوم ويبقي معاها الوقت مش بس مبقاش يشوفها ده هو في بلد وهي في بلد
دانه وفين المشكله لما كل واحد فيهم يكون في بلد بقولك ايه بلاش مبررات ملهاش اي لازمه ونفسي بجد انتي وهي تكونوا واقعيين شويه اللي بيحب بجد يا ديما مبيفرقش معاه لا مكان ولا زمان ولا ظروف
ديما يعني ازاي يفضل مرتبط بيها وهو عارف انها مش هترجع وكمان صعب عليه ينزل هو لا أهله هيوافقوا ولا هو هيقدر يسيب امريكا ولا مامي لو ادم حب انه يكمل حياته مع دارين وياخدها هتوافق ان دارين ترجع تسافر وتعيش هناك علي طول
دانه وهو ازاي عرف ان مستحيل نرجع تاني هو عارف ممكن بركه يحصل ايه ولا هو بيتلكك بصي يا ديما لو ادم بيحب دارين ومتمسك بيها بجد هيفضل معاها ولو زي ما بتقولي انه صعب يسيب بلده ومفيش حل غير ان دارين ترجع معاه صدقيني مامي مش هتعترض خصوصا لو دي رغبة دارين وأختيارها يعني في ألف طريقه وطريقه ممكن يلاقيها عشان يفضل مع دارين لكن هو مصدق يا ديما وعايز يبعد بطريقه تطلع دارين هي اللي غلطانه مش هو
ديما مش عارفه بقي بس عموما ادام لسه بيكلمها فا هو بيحبها
دانه بأماره ايه بأماره ما كل مكالمه تقفل معاه وهي بټعيط والوقت تقفل معاه وهي متنكده كالعاده
ديما بجد صعبانه عليا اوي يعني اللي حصل معانا ده هي كمان حياتها أتأثرت بيه
دانه المفروص تفرح مش تزعل عشان كشفته علي حقيقته
ديما طيب بس عشان جايه علينا
دارين عينها كلها كانت دموع يلا يابنات عشان نمشي
ديما مالك
دارين مفيش يلا
خدت دارين كتبها وشنطتها وسبقتهم
دانه قولت حاجه انا عشان تبقي تصدقي اهي راجعه معيطه زي كل مره عشان تبقي تصدقي ومتدافعيش زي العبيطه وخلاص ادم مش هينفع دارين عشان واطي
ديما طيب اسكتي وطي صوتك هتسمعك
دانه يلا امشي
رجعوا البنات علي الشارع اول ما السواق ركن نزلت دارين بسرعه علي المدخل عشان متقفش مع جدها وخالها
في نفس اللحظه حسن كان واقف جوه المدخل مع صنايعي بيظبط السور الخشب بتاع السلم اللي باظ وواقف معاه هيما
حسن حمد الله علي السلامه
دارين الله يسلمك
مخدش حسن باله من وشها وبص للبنات سلم عليهم ووقف يهزر معاهم
طلعت دارين كام سلمه لمحت هيما واقف و في صنايعيه واقفين بيتكلموا مع بعض فوق
عدت من جنبه من غير ما تقول اي حاجه
هيما طيب ارمي السلام ده السلام لله
دارين سلام عليكم ممكن تعديني بقي
هيما انتي معيطه
دارين ااا لا عديني لو سمحت
هيما لا ايه انتي معيطه علي فكره وباين عليكي كمان في حاجه حد ضايقك
بصتله دارين پغضب
دارين وانت مالك حد ضايقني ولا زعلني مالك معيطه ولا لا و أفرض حد ضايقني ايه ايه تروح تحاسبه مثلا فاكر نفسك واصي عليا اسمع لما اقولك ملكش دعوه بيا خالص ومتدخلش في حياتي انت فاهم
حسن والبنات اتصدموا من رد فعل دارين وحسن حس ان هي احرجت هيما وضايقته لما شاف ملامحه متغيره
حسن بصوت واطي هي مالها
دانه هنبقي نحكيلك بعدين المهم اتدخل قبل ما تضايق هيما اكتر
بصلها هيما وفضل ساكت وهو بيسمعها وللحظه حس انه أضايق بجد من كلامها معاه
هيما بنظره ثبات انا اسف وأوعدك انها مش هتتكرر تاني وقف علي جنب و شاور بأيده علي السلم بمعني اطلعي
فضلت دارين ثواني بصاله يمكن من اول ما وصلت وهي مش مستظرفاه وديما ترخم عليه بس حست من ملامحه انه اضايق ندمت عشان طلعت فيه بالشكل ده وزعلت عشان دي اصلا مش طريقتها
طلعت دارين بسرعه وسابته
دانه متزعلش منها يا هيما
هي بس مضايقه شويه
حسن امسحها فيا يا صاحبي
هيما بابتسامه محصلش حاجه ايه يابنات عاملين ايه
حاول يعدي الكلام عشان يخبي غضبه
ديما الحمد لله انتوا بتعملوا ايه
هيما ابدا جايب صنايعي يغير الخشب اللي
اتحرق
حسن يعني هنعمل تجديد بسيط للمدخل بعد ما باظ
ديما اممم حلو ده
دانه طيب هنطلع احنا بقي اوك
حسن تمام يلا اطلعوا ارتاحوا
طلع البنات وسابوهم
حسن هيما متزعلش يا صاحبي البنات بيقولوا ان هي مضايقه الله اعلم ايه اللي حصل معاها بس علي فكره دارين طيبه اوي وانا عن نفسي من يوم ما جات اول مره اشوفها كده
هيما عادي يا حسن مش زعلان والله وبعدين يمكن انا اللي ضايقتها بتدخلي مش اكتر
حسن ولا ضايقتها ولا حاجه يا صاحبي المهم متزعلش
هيما بإبتسامه بطل هبل ياولا بنقولك ايه علي ما الصنايعيه تخلص هنروحوا الدكان شويه وهنبقي نرجعولك تاني
حسن ماشي يلا شوف شغلك
دخلت دارين علي اوضتها وقفلت وراها وفضلت ټعيط
دانه دخلت هي وديما عند نبيله كانت قاعده لوحدها ودعاء في شقتها
ديما مساء الخير يا بلبله
نبيله مساء النور يا حبايبي ايه لسه راجعين
ديما اه حالا اهو
نبيله فين اختكم
دانه بصت لديما وبعدين بصتلها طلعت يا بلبله عايزه تدخل التويلت
نبيله واحنا هنا معندناش البتاع ده ادخلوا واقفين كده ليه
دانه لا احنا هنطلع عشان ناخد شاور ونرتاح شويه بس قولنا نشوفك
نبيله ترتاحوا ده ايه انا يابت منك ليها مش قيلالكم تجهزوا روحكم عشان هندخل المطبخ مع بعض نحتفل بحلاوة الصلح
دانه انا نسيت
ديما الله طيب انا هاخد شاور و أنزلك ونخترع سوا
نبيله طيب يلا هستناكم وهاتوا دارين معاكم
ديما حاضر يا بلبله
طلعوا البنات ودخلوا الشقه
ديما علي فكره هيما شكله زعل
دانه اختك دي اصلا قليله الذوق
ديما لا حرام هي بس عشان مضايقه وبعدين هو اللي طلع في وشها فا اڼفجرت فيه
دانه لا هي اختك من يوم ما اتعرفت عليه وهي مش بتطيقه مع انه طيب ومحترم جدا والله
ديما بصراحه اه ودمه خفيف اوي يارب بس حسن يقوله متزعلش
دانه هي فين
ديما في اوضتها بقولك ايه هي مقالتلكيش اي حاجه
دانه انتي مش كنتي معانا في العربيه شوفتيها مكانتش طايقه نفسها
ديما طيب تيجي نشوفها
دانه تعالي يارب ما تطردنا بس
راحت ديما خبطت عليها وبعدين فتحت
ديما دارين انتي كويسه
دانه ممكن نعرف انتي ليه مموته نفسك من العياط كده
دارين بۏجع ممكن تسيبوني وتخرجوا
دانه لا مش هنسيبك غير لما نعرف فيكي ايه وليه كل العياط ده عملك ايه الحيوان اللي اسمه ادم
ديما دانه
دانه بلا دانه بلا زفت انتي مش شايفه الحاله اللي وصلتلها بسببه كل شويه علي كده انا لو مكانك ولا هعبره اللي يدمر نفسيت البنت بالشكل ده يبقي عمره ما بيحبها
دارين ارتاحي بقي يا دانه خلاص لا بقي في ادم ولا بقي في حاجه تربطني بيه
دانه وديما بصوا لبعض
ديما حصل ايه طيب فهمينا
دانه حصل اللي حصل المهم انهم بعدوا عن بعض
بصتلها دانه وسكتت
دانه بتبصيلي كده ليه عارفه ان كلامي مش هيعجبك يا دارين ويمكن كنان يوجعك وانتي في الحاله دي بس عشان انا اختك وبحبك لازم أوجعك بالكلام عشان تفوقي لنفسك ادم مش بيحبك يا دارين وللأسف ميستاهلش حبك ليه البني ادم ده عارف كل الظروف اللي مرينا بيها وانتي حكتيلوا كل حاجه كان المفروض لو هو بيحبك بجد يتمسك بيكي اكتر ويقف في ضهرك وعمره ما يخذلك بس هو عمل ايه بيهددك بعلاقتكم لو مرجعتيش يبقي متلزميهوش بمجرد ما نزلنا مصر يا دارين اول صوره نزلها كان متصور وفي ايده كاس كان عامل فيها ملتزم ومحترم عشان انتي كنتي معاه ومش بعيد اصلا يكون كان بيضحك عليكي وعامل فيها ملاك بصي
متابعة القراءة
